نافذه الخميس – سلمان لفته الساعدي : انتم حزب اليسار العراقي المناضل اهل للمهمات الصعبه بدليل رفضكم لمشروع الانفصال عكس الاحزاب الكارتونيه والخدمية والخائنه التي اتخذت جانب الصمت فتره… ثم كسرت الصمت ببيانات متأخرة وخجوله !!

salman

( انتم حزب اليسار العراقي المناضل اهل للمهمات الصعبه بدليل رفضكم لمشروع الانفصال عكس الاحزاب الكارتونيه والخدمية والخائنه التي اتخذت جانب الصمت فتره… ثم كسرت الصمت ببيانات متأخرة وخجوله !!
قال سوادي: هاي الازمه غربلت الاحزاب الوطنيه من الاحزاب اللاوطنيه وكشفت معادن الاحزاب الخائنه و المرتده والحياديه…!!! )…

نافذة الخميس

سلمان لفته الساعدي

عاد الوليد إلى حضن امه رغم انوف الانفصالين وتم بجهود قواتنه المسلحه والحشد الشعبي البطل
جلسا في مقهى الادباء لاحتساء الشاي بعد ان امضيا ساعات في التسكع في شارع التربيه المكتظ بالمرضى والمعلمين والشحاذين وزعيق الباعه وصوت داخل حسن
قدوري :الجريده البيدك يكولون بيها اخبار عن سلم الرواتب وتعينات للخريجين
سوادي :لتصدك حجي جرايد هاي الجريده 23 صفحه مابيها غير صور واعلانات تجاريه
قدوري:ايباه كانت الجرايدالشيوعيه لها نكهه وطعم دسم يغذي العقل والروح بالثقافه الانسانيه
سوادي: هسى تصدر 30 جريده وترجع خام مرزومه للمطابع واكو جرايد تقدميه مامدعومه من الحكومه
قدوري:الله ينطي جوز للماعنده سنون شوكت يطلع قانون الاحزاب
سوادي:موبس هاي الاحزاب 150 حزب بالبدايه وصفت 60 حزب وحتى الحزب الشيوعي انشطر 7 احزاب شيوعيه
قدوري:انا ماشايف حزب شيوعي عراقي وشيوعي كوردستاني ببلد واحد عساها بخت كلمن سواها وطشرنه
سوادي:احنا نعرف الحزب الشيوعي اممي وطبقي وليس قومي وهذه نظريات تحريف للماركسيه ابتلى بها الحزب بقياداته كان فوزي البعثي يصيخ السمع لحديثنا وتحدث مع صديقه لؤي يستفزني
اكلك الدكان هاي الايام بس بي عرموط يابس وجان مملي بالتفاح الاحمر جانت المشتريه عليها هواي وهسى محديجي لو يعزل هواي احسن
نظر الشيخ موحان بعد ان ثبت عمامته البيضاء بيده ومسح لحيته الكثه وقال بتهكم
الشيوعيون صارو كروبات متفرقه وحتى لويتحدون بحزب واحد جديد بس همه مايرهمون كفار
اما الحداد صكبان الذي فقد ساقه بسجن الرضوانيه تحدث بسخريه
اليسار لاالهم راس ولارجلين متفرقين كخرز السبحه المقطوعه
انتابت قدوري سوره من الغضب والغليان ونظر الى صكبان قائلا
ليش تستفزني انت كبير السن وفوكاها شيوعي مخضرم
اطرق صكبان رأسه خجلا وقال
اني امزح معك انتم حزب اليسار العراقي المناضل اهل للمهمات الصعبه بدليل رفضكم لمشروع الانفصال عكس الاحزاب الكارتونيه والخدمية والخائنه التي اتخذت جانب الصمت فتره ثم كسرت الصمت ببيانات متأخرة وخجوله
قال سوادي: هاي الازمه غربلت الاحزاب الوطنيه من الاحزاب الاوطنيه وكشفت معادن الاحزاب الخائنه و المرتده والحياديه